marchogaeth
Dyna braf yw marchogaeth ar hyd aber afon Mawddach, gan fwynhau'r golygfeydd o Gader Idris a'r Bermo, neu ar hyd traethau euraid ardal y Friog a'u cesyg gwynion. Mae digon o gyfle yn yr ardal hon i ferlota'n hamddenol gan fwynhau'r olygfa neu garlamu'n gyflym gan roi profiad cyffrous i'r ceffyl a chithau. Ceir yma gyfleusterau ar gyfer teuluoedd, dechreuwyr a phobl brofiadol – byddwch yn siwr o ddod nôl eto'n fuan i fwynhau'r profiad.